الحب الضائع
( الجزء الثامن)
………. الحلم ………..
سمسمه حلمت حلم فظيع
قامت من النوم مفزوعه
جرت على صاحبتها سكرة مرعوبة
سمسمه : خبينى فى صدرك يا سكرة
انا خايفة … مرعوبة … انا حلمت حلم فظيع
سكرة : اهدى … اهدى يا سمسمه
احكى لى عليه وانتى ترتاحى
سمسمه : حلمت انى طايرة فى الهواء زى اليمامه
و الناس كلها بتنادى عليا … سعيد بية وحسن بيه من ناحية
وحبيبى باسم من ناحية … وانا كل ما اقرب من حبيبى
الاقى الملكة بتشدنى تقول لى لا لا موش هخليكى تروحى له
انتى بقيتى ملكى ولا حد هيخلصك منى فهمتى يا سمسمة
وتعلى ضحكات حسن بيه وسعيد بيه ويغرونى بالفلوس والكاس
وانا اقول لهم سيبونى لحبيبى يا ناس
دموع حبيبى تنزل تغرق الارض وهو بيعزقها بالفاس
وانا اصرخ باعلى صوت واقول انقذونى يا ناس
يا ريت تفسر لى الحلم ده يا سكرة
سكرة تهدى فى سمسمه وتقول لها
تفسيره انك موش راضيه بالعيشة اللى انتى فيها
وانك لو فضلتى هنا موش هتقدرى تقاومى اغرات البهاوات
الفلوس والكاس كلهم لعنه للى بيمشى وراهم
والملكه اللى عاوزة تستعيد شبابها وهيبتها من تانى
مصدقت انها لقيتك انتى الشمعه اللى هتنور حياتها وترجع
لها رونقها هى حاسه انها امتلكتك وموش هتفرط فيكى
وفى الناحية التانية حبيبك اللى لا حول ولا قوة له مسكين
دموعه على خده تنزل وتغرق الارض وهو ماسك الفاس
يعزق الارض … الارض هو الحاضر والمستقبل
بس الصبر حلو لحد ما السنين تعدى هيرجع لك
وهو معاه شبكتك ومهرك وان شاء الله تكونوا لبعض
لو عاوزة تهربى انا اهربك ونروح بلد تانى نختفى
عن عيون الملكة ونشتغل اى حاجه ..
فى محل ملابس
نرجع تانى نخدم فى البيوت المهم نكون مع بعض
قولتى ايه يا سمسمه
سمسمه : انا موافقة جهزى الخطة ويبقى قولى لى
سلام دلوقتى
سكرة : سلام يا حبيبتى خلى بالك من نفسك
اوعى تسلمى لى لهم نفسك
_____________
عباس صالح
أعجبني
تعليق
مجلة نداء الرؤح لفرسان الكلمات 