زمان قالو الصبر جميل
قولت انا بس فين القلب اللي يشيل
دا الدنيا مالينا قصص ومواويل
وكل واحد اكتر من همه بيشيل
والبحر هائج والسفن فيه بتميل
ومسيرها في يوم علي الشط ترسي وتميل
وابن الاصول عمره عن الحق ما بيميل
وامشي يا ابني في الخير ولو الف ميل
ولاتنتظر يوم من حد رد الجميل
وياللي زرعت الورد استحمل الشوك اللي فيه
علشان تتمتع بالعطر اللي فيه
ومسير اللي يمشي علي حرف رجله ربنا يكفيه
ومريض القلوب ندعي ربنا يشفيه
علشان مرض القلوب تحتار الاطبه فيه
وسيبك من كلام الناس علشان ما فيش خير فيه
وقبل ما دور علي بلوي الناس
كل واحد يعرف بلاويه
ويكفينا شر الغشيم ما فيش حاجه تنفع فيه
ما نصيحه ولا كلام قطع فيه
وصاحب الاصيل اقل واجب يتمر فيه
الشيخ ابراهيم القاضي ابودوح
٦٦
تعليقان
مشاركة واحدة
أعجبني
مشاركة
مجلة نداء الرؤح لفرسان الكلمات 