مكلمة
من ديوان/ صورة لحبيبتي
للشاعر /مصطفى فريد
أحكم ياقاضى المكلمة
قول كلمتك
عدلك بقى له منظمة
احكم بقى
مابين إيديك ألمظلمة
بشهود ألم تسعين سنه
تزوير وسرقة للتاريخ
بيقول لنا
القهر فرغ شحنته
فى سن القلم
شاخ عجزنا
كسر القلوب المؤمنة
بحق الوطن وبحقنا
وكل واحد فينا شايل علته
قافل عليها من الخجل
لشهادته تكشف عورته
حتى العلل ياربي مش مستحمله
قرف احتلال مغرور غبي
بقلوب كئيبة ومظلمة
تتمنى تقلع جدرنا من ارضنا
كرباجه لاسع قلبنا
ورصاصه قاطف وردنا
غربان بتنعق فى الخراب
بعد الديوك ما ستسهلت
نوم العشش. زاتفرغت.
للدندنه جوه البارات
قولها صريحه ومعلنه
صمتك جريمة فى حقنا
متعمدة لطمس التاريخ
فيتو الخيانه اللي صدر
علشان مايحمي مسيلمه
غش ونفاق
يا ألعبان. يا إمعة.
قول وبصراحة انت مع
والا انت بره المعمعه
خلي قرارك كلمتك
قول انه ظالم. وانه سارق.
وانه ناهب قوت بشر
من حقهم يبنوا وطن
فى الاساس عاش ملكهم
إفهم يامجلس مكلمه
إحنا العرب. ما حناش غنم
ماشيين بلية مشحمة
وخيبة أمل بتجرنا
للصبر وقفة وله حدود
تسعين سنه.
فاقت حدود الملعنه
صوت الأنا للمجرمين
الكارهين دين ربنا
طالقين على كل العباد
إرهاب خسيس
مسنقوين بقلوب حجر
ومال حرام
وتجارته فى كل المباح
والغير مباح
والمطحونين وقت الادان
العريانين.
الساكنين حضن الخلا
بينهم وبين الموت قدم
احكم يامجلس مكلمة
من مجلسك قول كلمتك
للعودة حق وادللوجود
لشعب عانا من الألم
لمدار عهود
ايه اللي شل لسان إيديك
تعلنها كلمة موحدة
العوده حق لشعب جاع
شعب قاسا من الضياع
تسعين سنه
لازم يعود بعد الشتات
لو خدت مال المال حرام
رشوة وخيانه مؤكدة
دم الضحايا عليه شهود
لو كنت خايف منهم
فوق الخلايق ربنا
قادر يدمر حقدهم
ويعيدوا تاني لنحرهم
فاهم يا مجلسنا ال ٠٠٠٠٠٠٠٠
١١
مجلة نداء الرؤح لفرسان الكلمات 