….. هى دى مصر العظيمه …..
هى دى مصر العظيمه
اللى نيلها دم ليلها
واللى تايه فى بلاده
راح يجيلها
هى حضن لكل عربي
وكل وطنى يكون دليلها
واى دوله بتعاديها
او تحاول تبقى ويلها
مصر بلدى حاميها ربك
لو ف مره هتعاديها
هتبقى كربك
وان بكيت مره عليها
هتبقى كرمك
اللى نيلها دم ليلها
واللى تانى راح تجيلها
هى دى مصر العظيمه
مصر بلدى روح دليلها
وكله ديما بيناديلها
وقت تشتد الحياة
كله يهرب او يجيلها
تحضنه وميقولش آه
لما يسبح جوه نيلها
مصر بلد الطيبين
هى مهد لكل دين
كل رسل الله أوتهم
والوصيه عليها واجبه
من ختام المرسلين
هى دى مصر العظيمه
ارض مصر الله عليها
ربي هو اللى حاميها
اما بنت مصر غاليه
ساره زوجة ابراهيم
وام سيدنا اسماعيل
مصر اصل للعروبه
وام موسي الجنين
اللى كان عايم بنيلها
بالحنان كان بينادلها
والله حافظه بكل حين
وزليخه بحب يوسف
كان جمالها شيء لايوصف
خلته بمصر مكين
وماريه ام ابراهيم
زوجه النبي الامين
اللى وصى بأهل مصر
بكل وقت وأى عصر
احنا اصل للعروبه
واحنا اصل المسلمين
هى دى مصر العظيمه
اللى نيلها دم ليلها
ربي يحمى المؤمنين
…………. احمد عامر …………..
ننوه ان ماينشر حق مسجل بالهيئات المنوطه بذلك 1596/2022/س م ب
٥٥
٦ تعليقات
٣٤ مشاركة
أعجبني
تعليق
مشاركة
مجلة نداء الرؤح لفرسان الكلمات 