(((( عتاب )))) بقلم الشاعر الغنائى محمد البريمى

شعر غنائى ..

((( عتاب )))

ليه فطعتى حبل الوداد إللى بينى و بينك .. ونا إللى كنت سعيد لما قابلتك و لقيتك ..

و قلت الدنيا راقت ليا .. بعد م قربت منك و خلاص هويتك ..

و نسيت الزمن الآسى . و بقيتى أهلى و ناسى ..

و إبتديت أحب الدنيا .. و أقول ياريتنى شوفتك قبل م حبيتك ..

ليه قطعتى ..

هو اللى كان بينا دا م كانش ود .. ولا كان مجرد سلامات و بس ..

ونا اللى كنت فاكر .. قلبك بيا حس ..

م مكانش العشم تكسرى بخاطرى .. و إنتى عارفه قد إيه خاطرك عندى ..

بعد م أتعشم فيكى و أحبك .. تتكبرى عليا و تستخسرى فيا لحظة أنس ..

ليه قطعتى ..

يصعب عليا الفراق .. بعد سنين محبه و حنان ..

أرجع تانى للوحده .. و عذاب الحرمان ..

هان عليكى

حبى إللى حبتهولك .. راح فين عمرى إللى وهبتولك ..

يا خسارة الحروف إللى سطرتهالك .. بدموع العين و إحساس الوجدان ..

ليه قطعتى ..

بقلم الشاعر الغنائى..

محمد البريمى ..

٢Tghred Ahmad وشخص آخر

تعليقان

أعجبني

تعليق