بيقسموا ورثهم
تلقى الجميع غضبان
فيه اللي راضي وقانع
وغيره فيه طمعان
ربك حد الحدود
عالم بنفوس الإنسان
البنت ليها نصيب
والذكر ليه إثنان
ياللي هتظلم أخوك
ازاي تعيش في أمان
ممكن يجيلك نوم
وتحس بإطمئنان
عندك أولادك بتحبهم
فلان هيظلم فلان
ما انت زرعت قبلهم
والزرع مش فدان
زرعت فيهم الطمع
واللي زرعته كان
ارضى بحدود الله
البركه فيه هتبان
هتسيب لهم أبراج
لكن الأساس تعبان
وقت موتك هينسوك
والأخ على أخوه هان
(((أسامه جديانه)))
١١
تعليق واحد
أعجبني
تعليق
مجلة نداء الرؤح لفرسان الكلمات 