ولدي الجدع
أرفع رأسك و أصلب طولك
و دوس على الوجع
وكل ما تعثرت شد حيلك
وارجع أقف بعد ماتقع
خليك جدع مهما الحمل
زاد عليك أو الهم أتسع
وواجه مخاطر الحياة
وأصمد مهما الموج أرتفع
أشقى وكل لقمتك بعرق
جبينك عمر الكد ماوجع
إياك تمد إيديك مدت الإيد
ياولدي بتكسر الجدع
كل عيش وملح وبلاه
الحرام من كله عمره ماشبع
وقول يا حيلي من أعتمد
على نفسه علا وارتفع
إياك تسلم أمرك لغيرك من
أتكل على غيره ذل وقع
خليك صبور وأعرف أمتى
تتكلم وامتى تبقى مستمع
وابقى حويط واريب وأعقلها
قبل متغلط أو تندفع
أحفظ مقام الكبير و ابقى
متواضع الناس بك تنتفع
واوعى الغرور ما طار طيرا
وارتفع الا كما طار وقع
والكدب خيبه ايا كان السبب
قول الحقيقة أو أمتنع.
ابن الأصول الجدع رافع رأسه
عمره مانذل ولا ركع
ده الجدع المفتخر امال أقول
ازاي عليك إنك جدع
الشاعر / عبد المنعم حمدي رضوان
٢٢
٥ تعليقات
أعجبني
تعليق
مجلة نداء الرؤح لفرسان الكلمات 