رمضان والغربة كتبت فى14/5/2018
سألوا الغريب إ يه أمانيك
قال لقى الأحبة معاليك
نفسى أبو س إيد أمي
نفسى حد يشيل همى
نفسى كل ….. ..صباح
أصبح على بنتى…….صباح
نفسى أرجع للعيلة واللمة
نفسى حد يزيح عنى الغمة
نفسى فى حضن أبويا
ومشوار ملى كانوامع أخويا
نفسى فى شاى العصارى
وأسمع تانى صوت الكنارى
نفسى فى رمضان بالبيت
ومدفع الإفطار أسمعه ياريت
وقرآن المغرب يامحلاه
على طول ……مداوم وياه
والشغل فيه…….. بركة
أصله يحب …… الحركة
وأسمع صوت…. المؤذن
ع المادنة ……. وهو بيأذن
وع الفطور تمر وقمر الدين
خدلك حبة …. المعدة تلين
وصلاة التراويح يوماتى
ودى أحدى ……..مهماتى
وسحورى مع الطبلة
قومى وإصحى…. يا أبلة
ياعم الحج ……..يانايم
إصحى …… ووحد الدايم
رمضان كريم يا خونا
وبهنى القريب ….. وجارنا
وإخوانى فى …..الإسلام
وكدا يبقى……. تمام التمام
كلمات الشاعر سعيد الشبراوي
أعجبني
تعليق
مجلة نداء الرؤح لفرسان الكلمات 