قصيدة بمناسبة
عيد تحرير سيناء
كلمات الشاعر الفنان رزق جادو
مصر… دمياط
طول عمرنا وطن الشجعان
إهتف سمع كل جبان
قالوا زمان
عن سينا يهودية
فكروا إن الشعب المصري
خلاص هيسلم للطغيان
هب الجيش المصري الباسل
هب وقام كأنه طوفان
في عز الظهر في ستة أكتوبر
يوم العاشر من رمضان
ووراه كل الشعب العربي
هز العالم كالبركان
حرر سينا ورجعت لينا
ورجعت لينا طابا كمان
طول عمر الأرض المصرية
أبية عصية
مهما يطول زمن العدوان
بكرة القدس هيرجع لينا
زي مارجع لينا زمان
سينا ياسينا ياغالية علينا
مش هتسيبك تاني ايدينا
الجيش المصري تاريخ رنان
مش هنفرط في الأوطان
مهما يطول زمن العدوان
بكرة هترجع لينا جولان
ومزارع شبعا في جنوب لبنان
وهنفك قيود القدس كمان
ونخلي الفجر بنوره يبان
وتعيشى يامصر بخير وأمان
والوطن العربي يعيش في امان
كلمات الشاعر الفنان رزق جادو
مصر… دمياط
٣٣
٤٧ مشاركة
أعجبني
تعليق
مشاركة
مجلة نداء الرؤح لفرسان الكلمات 