ع المعاش..
*************
ع المعاش وباله فاضى
عامل فيها حكم وقاضى
بص للوجود حواليه
محدش عن حاله راضى
عمال ف البشر يرازى
فاكر نفسه ملاك
وكل أفعاله هلاك
أبدأ الأول بالذات
دا ربك رب قلوب
اللى بيته م القزاز
ميحدفش غيره بالطوب
دا أحنا بشر وكله عيوب
أنا وأنت من خلق الله
وخلقه بوقت عن الحق تاه
بلاش تعمل فيها طاهر
وتحكم ع الخلق بالظاهر
ربك على خلفه رحيم
ليه تحكم عليه بالجحيم
مش بيدوم الحال
ربك بخلقه عليم
أنت أيش. تكون
واحد بحاله مغتون
بلاش تبقا مغرور
دا لله وحده الغرور
أهدى بقا لحالك
وامسك عن الخلق لسانك
خلى عندك أحساس
بلاش تأذي الناس
متخليش الشيطان ليك يسوق
وتبص للناس من فوق
***************
بقلم
عادل جاد
٣عادل جاد وشخصان آخران
مشاركتان
أعجبني
تعليق
مشاركة
مجلة نداء الرؤح لفرسان الكلمات 