…. مجنونة …..
حسبة زمانك غير حسبة زماني
روحي ودوري على حب تاني
أنا عدت بيا السنين رقم خمسين
وإنتي زمانك لسة ف أوله معجباني
…….
قولي من هنا لبكرة قلبي حبك
ونفسي أعيش عمري كله جنبك
ليه تصدني وبس بتبعدني عنك
وأنا جايالك بعمري وقلبي وكياني
……
أنا عاشق صحيح بس علي قد سني
لا عمري نسيت عمري ولا الشيب جنني
يمكن أكون مجنون وجناني حته مني
بس أنا علي قد عمري الهوي بيلقاني
…….
تقولي الحب مش بالسنين أقولك لأة
ده كل سن ف الهوي وله دقة
والعشق في الخمسين بنعمله حسبه
وصعب ف سكة الهوي هواكي يلقاني
……..
متزعليش مني والله ده غصب عني
أنا في الحب بحب أعيش سني
شيلي وهمك وأبعدي بحبك عني
صعب زمانك يعيش ف يوم زماني
…….
أنا عشقي ساعات بيبقي عشق جسد
وساعات يبقى كلام ملوش حد وعدد
وساعات درويش في حضرة ومدد
وساعات جنوني ياخدني لحد تاني
……
ولا يوم خدني العشق لبحر الجنون
وعشقت صبية في نص عمري تكون
يمكن أكون في الهوي عاشق مجنون
بس صعب أعيش ف الهوي بعمر تاني
……أيمن بلال
٤فهدالصحراء الجرئ، Tghred Ahmad وشخصان آخران
٤ تعليقات
أعجبني
تعليق
مجلة نداء الرؤح لفرسان الكلمات 