( يا دنيا خِفِي ) :
يا دنيا خِفِي بقى
كفاياكي هم وغم
ياما شفت فيكي شقا
ما تخلي عندك دم
فرَّحتي فيا العدا
شمتي عزالي
مع إني وحدي يا دنيا
لا عندي خال ولا عم
يا دنيا ليه الأسى
دايما بيحلالِك ؟
فاكراني صبح ومسا
دايما على بالك
لاضمه همومك سِبَح
بتفرقي ع الخلق
ده اللي في بحرك سَبَح
غريق في موج هالك
يا دنيا ما تبطلي
تعذبي ف ناسك
بلاش تخلي الضنا
صورة في كراسك
إمتى نشوف الهنا ؟
فيكي ولو مرة
بتدي ليه بالقلم ؟
للفرح لو باسك
يا دنيا ساقيه الناس
القهر والعِلَّه
بدلتي حال العباد
م العِز للذِلة
حرام عليكي بقى
بيعود عليكي بإيه ؟
حرَّمتي ليه اللُقا ؟
فرَّقتي ليه الشِلَّه ؟
حرَّمتي ليه اللُقا ؟
فرَّقتي ليه الشِلَّه ؟
بقلمي الشاعر جمال زكي عينر
٢رحاب الله رحاب الله وشخص آخر
٤ تعليقات
أعجبني
تعليق
مجلة نداء الرؤح لفرسان الكلمات 