الحلقه. ( ٢٦ )
برنامج المسحراتي
اذيع بالتليفزيون المصري عام ٢٠١٥
للشاعر / مصطفى فريد
تتر.
مسحراتى داير انادي
فى كل وادي أقول يا هادي
أحرس ولادي وانصر بلادي
على الاعادي والطماعين.
نبضي فى قلبي بيدق طبلي
جادل فى حبلي بحري وقبلي
نجوم بتضوي بهجة وحنين
يارب يا مطلع. على. كل سر. دفين
القلب مهما برع فى الكدب هيروح فين
ولو خدعت. الناس. والكل ووصدقنى
سبحانك انت عليم رايح وجاى منين
خلقتنا من. تراب ونفخت فينا الروح
علشان نعيش نعبدك قبل استلال الروح
غوانا مكر الشيطان. نسانا تعاليمك
خلا ذنوبنا جبال والقلب بات مجروح
خد من ماضيك العبر وافهم هوا الدنيا
خليك بعيد النظر دى مسيرها يوم فانيه
خد منها زادك. تقى من صالح الأعمال
قبل مايجى الآجل بين لحظة والتانيه
فيناله.
بانادي دايما
الله ربي
وهادي قلبي
فى كل وقت وكل حين
ادعي لربك
يغفر لذنبك
ويخف جرحك
ويعم فرحك
وتروق ملامحك
ويمد لينا شهره الكريم
أعجبني
تعليق
مجلة نداء الرؤح لفرسان الكلمات 