تسوى ايه ياابن آدم
غير رصيدك في البنوك
واللي جيبه ياحظه فاضي
تبقى مطيه ويركبوك
الجنيه قالوا صوتو عالي
ان عملت حساب لنفسك
كل الناس يحبوك
جي حلال جي حرام
من غير ماتطلب يخدموك
يتقالك باشا وبيه
تعظيم سلام ويكبروك
بدله شيك نظاره سوده
من غير شهاده يهندسوك
الجنيه سحره عجيب
من غيره راح يدهسوك
تدخل مصلحه ودا من حقك
أصغر مافيهم ما يعبروك
ولو داخل صاحب المال
أكبر مافيهم يقابلوك
تحت أمرك حاجه ساقعه
من غير متدفع يحترموك
ياخدوا منك رقم موبايلك
وفي اغلى مكان يبروزوك
ماهي دنيا بقت رخيصه
يحترموا اللي في البنوك
يتألف مليون حكايه
كام مؤلف يلمعوك
تسوى ايه ياابن آدم
غير رصيدك في البنوك
(((أسامه جديانه)))
أعجبني
تعليق
