…….
إهداء إلي كل عمــــال مصر
بمناسبة 1 مايو عيد العمال
…….
من مايـــو هل هـــــلال
وكأنـُّـه من شـــــــــوال
بابعت سلام في الحــال
لجيــوشـنا م العمـــــال
بتلحم أو تقـص الصاج
تِتَـطلع م المكن إنتـــاج
تحطه فوق دماغك تاج
وتصنع من خيوط العاج
زرار فنك من الإخراج
بتــاخد حتــه من معدن
تشـكل فيــــــها وتفنـــن
تخلـــي العقل يتجـنــن
من الروعــه وم الإتقان
تصون الآلـه أو تشْرِفْ
وإن عطلت قوام تكشف
تلاقي الشحم مالي الكَفْ
وإيدك في الحرير تِتْـلَف
عامل في يوم عيــــــده
بنقـول له عال العـــال
يجنــــي تعب إيـــــــده
ويزيـد معــــــاه المــال
أجمــــل أناشيــــــــــده
بتقــول زعيمــنا قــال
دي مصـــر يا ولادنــــا
محتاجــه عــزم رجـال
دي مصـــر يا ولادنــــا
محتاجــه عــزم رجـال
………..
كلمات / أحمد عبد الحميد عبد الجواد
مدير عام سابق بجامعة السويس
١راضي السقا
٣ تعليقات
أعجبني
تعليق
مجلة نداء الرؤح لفرسان الكلمات 