( ده أول عيد ييجي بدونك ) :
ده أول عيد ييجي بدونك
وطب ينفع بدونك عيد ؟
عشان ما أحس بوجودك
بجيب سيرتك واعيد وازيد
وبحكي عن زماننا زمان
وايامنا وكنا وكان
وأقول يا عاشق إتعلِم
وِصال الحب شوق وحنان
حبيبي راح بعيد عني
وراح وما عادش جي خلاص
و لكن ساكن النني
وقصة بيعرفوها الناس
ولو مش جي رايحله
يبوح لي بسره وابوح له
ده بيجيني في كل منام
بيندهلي وبندهله
ماكانش حبيبي أي حبيب
عشان انساه يادوب ما يغيب
ده كان بلسم دوا جروحي
بلمسة إيده جرحى يطيب
يا عيد إزاي تناغشني ؟
حبيبي وروحي واحشني
ده صعب فراقه يا عيدي
ده كان دايماً معايشني
ده صعب فراقه يا عيدي
ده كان دايماً معايشني
جمال زكي عينر
أعجبني
تعليق
مجلة نداء الرؤح لفرسان الكلمات 