………..سوق القلوب…………
ونزلت امبارح بتسوق واعرف اسعار
فلاقيت الطيبه بقت غاليه والأسعار نار
والناس اللي بتخلص لينا شاحين م السوق
والسوق السوده كمان لمت كل التجار
…..
والناس الخاينه البياعه اكتر م الهم
والقلب اللي بيوفي ويخلص م السوق اتلم
وإن حتى لاقيت سعره حنين يطلع مسروق
ويادوبك هتكمل لفه يملاك الغم
…..
سوق الرجاله بقا مخوخ والشرا مضروب
لو تعمل ناصح تتغفل في واحد معطوب
وتلاقي الدنيا عليك قلبا من غير ما تحس
والحب اللي ف قلبك يخلص ورصيدو مسحوب
…..
والبيع بخصاره وبيكسب مع ناس ببلاش
لو حتى تبيع من غير حاجه اصلو ميسواش
احسنلك بيع واخلص منهم وانتا الكسبان
علشان هتدور عالارخص بس متلقاش
…..
احسنلك تستنا الغالي علشان بيعيش
لو تفضل كدا عمرك كله من غيره مفيش
هتكون كسبان عمرك رايق والبال مرتاح
وإن يوم سالوك عن اخلاصك رد معنديش
……
لو تفضل طول عمرك كله في الهوا سواح
احسن ميكون حظك واخد واحد جراح
وتعيش كده عمرك كله بين جرح ونار
والقلب اللي اتجاب بالغالي يطلع نواح
………محمد إبراهيم درويش……….
١١
تعليقان
أعجبني
تعليق
مجلة نداء الرؤح لفرسان الكلمات 