مشتاق ياولدى
مشتاق ياولدى
مشتاق ياولدى انت فين
انا يا ابوى على الحدود
ساكن فى ملامح الوطن
طب ياولدى امته تعود
هعود ياابوى قريب
هشرف كل العيون
خد بالك على
نفسك ياولدى
مش تشيل كتير هموم
يا ابوى نفسى
هى بلدى هى همى
شرفى وعرضى
طيب ياولدى
ربى معاك دايما
بدعيلك وقلبى
راضى عليك
شد حيالك ياابوى
وابوس يد امى
قولها ابنك هناك
على حدود يفدى
روحه لاجل
سلامه الوطن
اه ياولدى
ياضلع من ضلوعى
انكسر لما شيلت
كفنك بعيونى
ودموعى غسلتك
اه ياولدى
اشتاقت لصوتك
ودمك لسه
بيصرخ فى وشى
لملمت صورك فى
احضانى وحلمت
بيك بتضحك وتمشى
اه ياولدى ودعتك
والوداع مر فى حلقى
ده لسه شبكتك
بتزغرت ياولدى
لسه عروستك
بفستانها مستنيه
فى الكوشه
والفرحه فى
عيونها ورد
ودعتها ياولدى
حتى ملحقتش تكلمك
ودعتها وسافرت
فى تابوت كسر
قلوبنا ياولدى
بقلم الأديبة سميرة عبد العزيز
أعجبني
تعليق
مجلة نداء الرؤح لفرسان الكلمات 