لو اتكلم في يوم عنها
بنات الدنيا هيغيروا
ولو هوصفها في جمالها
يدوب الصبح من ليله
…
دي نسمة صيف في عز البرد
وزهرة فل وسط الورد
وموجة بحر وخداني
بترمني لأبعد شط
…
عيون سبحان من مصور
وكحل الليل محليها
تبصها السما تنور
ويسرح القمر فيها
…
شفايفها دي جمرة نار
لو المسها بتكويني
ولو نزلت دموع عينها
الاقي الحزن يسقني
..
في خطوتها تهز جبال
ولون البحر يتغير
ترن رنة بالخلخال
تلاقي الكل متحير
…
وقالوا عنها جينية
وقالوا عنها مسحورة
وقالوا حورية م الجنة
وقالوا ملكة مغرورة
…
لو سألوني يوم عنها
هقول أجمل بنات الكون
ولو هوصفها في جمالها
هقول ليلى وانا المجنون
…
ايمن شتا
٥ مشاركات
أعجبني
تعليق
مشاركة
