حصان مطلوق
فاكرين ياجماعه لما الفرسه طلعت تجرى
تجري في وسط الملعب
والأطفال كانت لسه بتلعب
والكل اتحرك خايف
ساعتها وانا مطمن ماكنتش
شايف غير أن الفرسه
طلعت تتمتم بشفايف
عارفين الفرسه دى طلعت تجرى ليه
عارفين الفرسه طلعت طايره ليه
طلعت تقولكم مبروك افتحوا
قلبكو للحب المطروق
ده الحب حصان
وحصان مطلوق
عارفين ياجماعه صحيح انا فرسه
بس بحب الحب ونغسى اعيشه
وبابقى سعيده لما بيجى وياكل عيشة
بابقى عايزه أحرج واتمخطر
بجسمى .جسمى المليان
وبجلدى جلدى العريان
وبدون مكياج ولا ألوان
واصرخ واقول انا فرسه
وبحب الحب ونفسى اعيشه
عارفين ياجماعه يوما ما جريت
. انا من ريحة الحب اللى جواكم
ادفيت ….واتحريت ……فجريت
لكن حقيقى من جوايا انا
كنت بسايس
كده عرفتوا الفرسه دى طلعت تجرى ليه
. كده عرفتوا الفرسه طلعت
طايره ليه .؟؟؟
طلعت تقولكوا مبروك افتحوا
افتحوا قلبكوا للحب المطروق ده الحب حصان. ….وحصان
حصان مطلوق
إقبال النشار
٣ تعليقات
أعجبني
تعليق
مجلة نداء الرؤح لفرسان الكلمات 