“””””””””””””””””””””””””””
لو هاتتقل عليا بلاش
“””””””””””””””””””””””””””
لو ها تتقل عليا بلاش
أنا قلبى متجرح كفاية
وتضيع العمر ببلاش
تجرحنى وأرضى بأسايا
* * *
لو ها تستكتر هنايا بلاش
تهجرنى وإنت معايا؟!
لو ها تستصغر هوايا بلاش
تنكرنى وسامع ندايا ؟!
* * *
البعد أفضل من قربى فى جفاك
تلوعنى وأنا بامنى الروح برضاك ؟!
دا أنا عمرى ليك ، وروحى فيك
ولو تطلب عينيا فداك
بس لو تتقل عليا بلاش
* * *
يا حبيبى حرام عليك
قلبى مش ناقص أسية
إرحم ، وأنا بين إديك
هارضى بحكمك عليا
* * *
دا أنت عبير الروح
وإنت الحنان للقلب
محال عن خيالى تروح
فى قلبى لقلبك حب
* * *
أرويه بدمع العيون
يطرح جناين ورد
خليك لقلبى حنون
تملكةفؤادى بجد
* * *
لكن ها تتقل عليا بلاش
من ديوان
أم الدلال
شعر /سيد فتح الله
١Mansour Benmansour
تعليق واحد
أعجبني
تعليق
إرسال
مجلة نداء الرؤح لفرسان الكلمات 