طعم المرار ألوان

………….

شعر/ محمود فؤاد

………..

قصيدة/ طعم المرار ألوان

………….

شعر/ محمود فؤاد

………..

– يا اللي ركبت الجمل..

– والحلم صعب عليك..

– وشربت مُر الأمل..

– بالفرحه ضحكوا عليك..

– كل إللي وعدك يوم..

– يسقيك حلاوة الكاس..

– ما ادكش غير اللوم..

– عراك في وسط الناس..

– أنا إللي كنت كبير..

– والكلمة مسموعة..

– وفي وسط وسط الخلق ..

– الراية مرفوعة..

– بإشارة مني الكل..

– دائما يقولوا آمين..

– ياللي كلامك أمر..

– تؤمر يقولوا آمين..

– بإشارة من رمشك..

– تلقى الجميع طايعين..

– إيه غير الأحوال..

– وغرزت ليه في الطين..

– سلمت حبل الجمل..

– للي ما لوش في العهد..

– وقفت تبكي عليه..

– وتقول ده خان الوعد..

– بايديك زرعت الشوك..

– في طريقك الوردي..

– مشاعرك إللي خانوك..

– فوق الأسى عدي..

– ياللي رضيت الهوان..

– ماتلومش غير نفسك..

– طعم المرار ألوان..

– والذل بينفسك..

– توب الرضا منقوش..

– بالصبر والمجاريح ..

– في اللوحة باقي رتوش ..

– خليك لمرة صريح ..

– أنا اللي على نفسي..

– حكمت بالإعدام..

– ورضيت بذل العشق..

– يا أمير بقيت خدام..

– لو يوم قالولك بيع..

– بالغالي بعت رخيص..

– فكك بقى من الهوى..

– وكفايه بقى تقويص..

– مش كل كلمة حب..

– من القلب حيحانة..

– ولا كل عود أخضر..

– بتحسبه ريحانة..

– نفض غبار السفر..

– خلي الجمل واقف..

– بكرة الطريق يحلى..

– م العشق ليه خايف..

– رفرف على بابك ..

– صوت الأمل صاحي..

– يا ما أكتر أصحابك..

– والفرح في صباحي…

…………

شعر / محمود فؤاد

السبت ٢٠٢١/٥/١٥

الساعة ١٢:٤٥ ظهرا

عرض الرؤى

معدل وصول المنشور: ٣٩

٢Mansour Benmansour وشخص آخر

٤ تعليقات

أعجبني

تعليق