قاضي العشاق
الجلسه بدأت ياحاجب
نادي علي العاشقين
اول قضيه البنيه
الدمع ملو العين
تتحكي ف سطرين
قلبي اتفتح له ياقاضي
والسر نظرة عين
اسم الجدع دا ايه
بيسأل القاضي
قالت له ماعرفشي
قولنا ساكن فين
برضه ماتعرفشي
شوفتي الجدع دا فين
في الحلم ياقاضي
طب شكله ايه الجدع
قمحي كحيل العين
وشعره لون ليلي
عينيه بلون السما
ورموشه حارسينها
ضحك جناب القاضي
صحاها من نومها
قفل القضيه وخاف
ليعوم علي عومها
مجلة نداء الرؤح لفرسان الكلمات 