(زجل مغربي)
حوال لعباد!
(زجل مغربي)
فلقراب كاين حجاب
والشكارة ديما عامرة
ولعقول ولات فارغة
الجناوة مجودة علبواب
يتسناو البݣرة الطايحة
فينك يا ذاك الفنان العواد
راه النغمة عسرية وفاسدة
المعنى كلها مشات
والعيشة صبحات خايبة
بيناتنا خسر لكلام
والرزين فينا سلعة نادرة
فين القيم د ناس زمان
من سيبة لمعاني الفارغة
ݣداش خاصنا من تصواب
ملي الفوضى ليوم حاضرة
الغش خصلة البياع والكساب
والمعقول بيعة كاسدة
النصيحة الخاوية كثرات
ولقلوب ولات قاسحة
مشات الجماعة وفنات
والانانية قايمة وظاهرة
-بقلم: محمد دومو
-مراكش/ المغرب
مجلة نداء الرؤح لفرسان الكلمات 