ابنى ياضى عينى
ماشوفتك من زمان
واخدنى ليه من بيتى
هو اشتكى المكان
عمر البيوت ماكانت
البيت أساسه لازم
يكون فيه الامان
وان الامان ده
اناعايشاه من زمان
ماتقولى ليه عايز
تحرمنى من الحنان
لا يوم فرطت فيك
واستخصرت الحنان
انا كنت ليك الحضن
والدفة والأمان
عايز تبعدنى ليه
وتاخدنى من فرشتى
وتحرمنى من الدفا
وحياتى ودنيتى
اللى ياما شافت
معايا ايام صعاب
وصيف شتى كانت
ايامى ليه عذاب
عايز تحرمنى ليه
منك ومن السؤال
وتبعد عنى وتحرمنى
ومن صوتك والعيال
طب قولى ايه بس
محيراك لقمتى
راح اكل طقه واحده
وكفايه هدمتى
ولا المكان داق عليك
وكتروا العيال
هاتهم يعيشوا معايا
ومش هسالك سؤال
فرطت فيه ليه
عمرى مافرطت فيك
وكنت دايما فى ايدى
عايز تسيب ايديك
عايز تسيبنى ليه
فى بيت غير بيتى
هي دى تربيتى ليك
ياقلبى ونور عينى
ولا كنت تهون عليه
وليه عليه بهون
قلبك عليه قسى
ده انا قلبى حنون
وكنت عندى غالى
وعندك ايه اكون
نسيت سهر الليالى
وخوفى عليك كمان
وكان قلبى يلالى
لو تبيت يوم تعبان
وعنيه ماتشوف النوم
الا أما اطمن عليك
امك عليك رخيصه
هاتسلمها بأيديك
وناس غريبه عليها
راضى وحياة عنيك
وخفت عليك من البرد
فى الشتا وكنت بغطيك
بعيونى قبل الفرشة
وادعى ربى يحميك
واخاف من حر الشمس
وحرارتها تاذيك
واضلل عليك بايدى
وادعى ربى يخليك
ليه قلبك قاسى عليه
انا مش بترجى فيك
انا بس خايفه ابعد
عنك ومين يهديك
دى دعوة منى يوماتى
المولى بينجيك
ورضايا عليك ياابنى
راوية حسن
البركه تحل عليك
مجلة نداء الرؤح لفرسان الكلمات 