للشاعر /صابر الشناوي
* * * مستعده * * *
للشاعر /صابر الشناوي
مستعده تسمعي آخر حكايه
قلب عاش طول عمره
يحلم يلقى قلب يعيش
حياته جوا منه
قلب يبقى شمسه تطلع
لحظه لقاه والكون ينور
لما بس يضحك له سنه
قلب يبقى الليل ضلام
فجأه يطلع له ألف قمر
لما يسرح جوا ننه
قلب يطرح جوا منه
ألفين قصيده حب وهيام
لما يوصف بالغرام ليه حبه
من غير ميعاد عدي الهوي
صب في وريده عشق صافي
لكل أحلام الطفوله المستمده
من سنين كانت عجاف
بس عمره يوم ما خاف
لأنه مؤمن بالقدر
لما يجي مالوش ميعاد
وحروف قصيدته لما توصف
العشق الحقيقي يبقى صادق
لأن الحب جه في لحظه
غصب عنه
ولما حب؛؛؛؛ حب بكيانه
بس يا لا؛؛؛ الأسف
حبيبته طلعت؛؛ مستبده
فأنتى كوني مستعده
تسمعي آخر. قصايده
تشوفي لما. قلبه فجأه
يبتدي يغير عوايده
يرفض حبسه الإنفرادي
يكرهه بوسه للأيادي
ويطفي آخر شمعه قايده
غصب عنه قلبه حبك
وياما ضحى كتير عشانك
وللأسف مجاش بفايده
لإن طبعك وبصراحه
إنك إنتي مستبده
فأنتى كوني مستعده
لأن هتلف الليالي
بعد ما كنتي لقلبه ملكه
هتبقى لأي قلب؛؛؛؛ عبده
مجلة نداء الرؤح لفرسان الكلمات 