( حبيبي زعلان ؟ ) :
قول يا حبيبي زعلان من إيه ؟
قول يا حبيبي طب زعلان ليه ؟
لو كنت بجد أنا زعلتك
حقك يا حبيبي عمره ماينداس
حقك على عيني وجبيني والراس
ما يهونشي عليَّا تغيب عنِّي
وتكون يا حبيبي زعلان منِّي
لو جيتني وواخد على خاطرك
خاطرك على عيني وع النِنِّي
إعتب يا حبيبي عليَّا ولُوم
ده عينيَّا يا عمري جفاها النوم
ليه ف لحظة نسيت كل الأوقات ؟
وتخلِّي الحزن ف بيتنا يبات
وسمعت كلام مغلوط من ناس
أفلام روايات ده غير الحكايات
طب مين مفروض يزعل فينا ؟
مين شَتِّت سكة خطأوينا ؟
ليه نقول ونعيد مين فينا غلطان ؟
ونزيد وِنحَكِّي ف كنا وكان
ما تسيبك بقى من كل الناس
وتعالى نعيد أيامنا زمان
ما تسيبك بقى من كل الناس
وتعالى نعيد أيامنا زمان
بقلمي الشاعر جمال زكي عينر
٥فهدالصحراء الجرئ و٤ أشخاص آخرين
١٠ تعليقات
أعجبني
تعليق
إرسال
مجلة نداء الرؤح لفرسان الكلمات 