……..اما بشوفك………..
بخاصمك بيني وبين نفسي
واقول هنساك كده من ياسي
وابعد لو حاجه تفكرني
وانطأ اسمك لو بين همسي
وبقول لو شوفتو ف يوم همشي
وهخبي عيوني ما بين رمشي
وبحاول ابعد عن طيفك
لو جالي ف حلم انا ما هنامشي
…….
وإن حاولو يجيبو ف يوم سيرتك
او جت بالصدفه في عيني صورتك
بضحك وبغير موضوعك
وبفكر روحي اني خسرتك
…….
وأما بشوفك جي برجليك
بنسى اني خاصمتك واجري عليك
واتمنى اخدك بين احضاني
او ايدي تبوس كدا كف ايديك
……
بنسى اني خاصمتك من غلبي
والوجع اللي مدوب قلبي
وبقول دا حياتي ودا نصيبي
وبطلع كل اللي مخبي
……
برجع واستسلم ادامك
م انا برضو مليش الا غرامك
وحياتي بدونك مش فارقه
ولا تسوى الدنيا مع خصامك
…..
انا راجع ناسي اني خاصمتك
واني اتعذبت اما انا سبتك
وف نفس اللحظه انا برجعلك
وادي روحي معاك رهن اشارتك
…..محمد إبراهيم درويش……
٣ارق ملاك، وRaed Yanes وشخص آخر
تعليقان
أعجبني
تعليق
إرسال
مجلة نداء الرؤح لفرسان الكلمات 