زجلية تحت عنوان:
زغرتي يا الحرة***
زغرتي يا بنت بلادي
ؤ نتي يا ذيك الحرة
راه الحفلة سلات
ذيك لعروسة ب حْنانيها رجعات
لبلادها حرة وهي الصحراء
اروى
والله يجيب شي صحرا اخرى
تكون الشرقية
تندوف وكاع لبلاد لمغربية
لي بترتها فرنسا …
ؤ عطاتها للكراغلة باليسرى
ارسى
زكَا من الطيران أعقل النملة
سهرة سالات م بقات غ لخملة
ؤ مبروك عليك المرتزقة والغبرة
حلفتي الا فقتي
سنين طحتي ؤ غرقتي
جَبًد لحبل ؤ فعال النقص ولقهرة
طْرَطًة
تشقلب حتى تْسطا
دور دور حتى تْهَرًا
فجامي خبزك يدوز…
ولا ماءك يصفا او يحلا
طعام لغذر …
نكار ومنكر
ؤشخال يا الظالم حفرتي لخوك…
من حفرة
اسيدي مبروك عليك
ذووك لقياطن راهم بين يديك
غير هز لبس ؤ بلا م تسول بالمرة
لي دكو الجمل في لعقبة …
راه حطو ا لعدو في الحدرة
ضواو لفرحة في الصحراء نايرة
الغصة في قلوب لعدى فايرة
عودة المجد ؤ زيانت النظرة
جامي تبرا
يا ذاك لعدو …
تلاح في فيافيك ؤ شد في لغبرة
تمرغ في الغيس
المغرب ليوم عريس
خوذ قياطنك…
ؤ تلاح برا
حتى تجي شي صحراء أخرى
ذيك الشرقية
فغير تسنى حتى يجي دورها فسمع لوصية
تعود والمغرب يكبر ؤ طرافو تَجْمع ؤ تبرا
فسمعيني يا بنت بلادي زغرودتك
را الصحراء عادت حرة
فزغرتي يا لحرة
*** الزجال والشاعر: أحمد الكندودي *** المغرب ***
١الكاتب والشاعر أحمد الكندودي
١٧ مشاركة
أعجبني
تعليق
مشاركة
مجلة نداء الرؤح لفرسان الكلمات 