*** عيش الدنيا ***
اوعى قطر العمر يعدي
اوعى همومك تكتر بعدي
عيش الدنيا ساعات حرية
لما الفرحة تكون مكسورة
فوق الوش مجرد صورة
إوعى يموت الحلم فى قلبك
بعد الكسر أكيد مجبورة
ياما الدنيا تجيب وتودي
ممكن ساعة حب جميلة
تمسح فترة حزن طويلة
كل العمر كفاح ومسيرة
خطوة صحيحة وخطوة عليلة
خطوة سريعة وخطوة تهدي
أحسن حاجة وأحلى حقيقة
حب القلب ملهش طريقة
حب الناس أجمل إحساس
يحيا الحب صديق وصديقة
أجمل ذكري علينا تعدي
بقلمي الشاعرناصرعطامحمد
البلد مصر
٢ناصرعطا محمد وارق ملاك
تعليقان
أعجبني
تعليق
إرسال
مجلة نداء الرؤح لفرسان الكلمات 