من إبداعات
الشاعر
طه الروبى
يا صانع الفرعون
ليه زعلان من فعله
اخيرا صحيت من النوم
وإتعبت من جهله
رضيت على نفسك
يكون ليك مستعبد
وتعيش خدام ليه ولأهله
ليه عليه تجيب اللوم
وتندب حظك كل يوم
وإنت اللي كنت عامل نفسك
من بقيت أهله
كان فين عقلك وقت إختيارك
كان فين عقلك وإنت بتاخد قرارك
وعمال تنادي وتندهله
لوم نفسك ولوم غيرك
اللي عمل زى عملتك
إنت وهو كل اللي حاصل معاكم
اكتر منو بكتير تستاهله
كل يوم الخراب بيزيد
ونفس الحال ولا فيش جديد
والقفل أصبح من حديد
والخراب عايد على أهله
يا صانع الفرعون
ليه بتشكي من الحال
وعامل حكاية وموال
خليه يجرب فيك جهله
ياريت تبطل ولوله
تبطل صياح ونواح
هيفضل مكتوم على نفسك
هيفضل عليك مداس
وتنضرب بكل مداس
من الفرعون وأتباعه
وتخدم كمان أهله
يا صانع الفرعون
جبت المذلة بقى لنفسك
ولناس كتير مكنوش يستاهله
عملت فيها كبير الحته
وكنت بتجمع الأصوات
اتاريك عليك كان مضحوك
بلاش تزعل من الإحباط
وإتحمل نتاج فعله
يا صانع الفرعون
من إبداعات
الشاعر
طه الروبى
٢١Atef Fayze Mark، والشاعر طه الروبى و١٩ شخصًا آخر
١٩ تعليقًا
١٦ مشاركة
أعجبني
تعليق
مجلة نداء الرؤح لفرسان الكلمات 