عندي عصفور
انا عندي عصفور جميل
بس يا خساره مش بيطير
في القفص محبوس
مش هيطلع منه ولا حتي بفلوس
مالوش حتي ونيس يسليه
انا بس اللي بسأل عليه
الصبح بينده عليا ويصحيني من النوم
ويفضل يزقزق ويغنيلي ولا ام كلثوم
ماهو يا عيني وحيد في القفص مظلوم
عصفورته ماتت وسابته من يوم
ومن يومها حزين مهموم
وانا برضو عصفوري مات من سنين
اهو بيسليني واسليه
رغم الحزن اللي في عنيه
اكلمه وأشاورله بأديا
وهو في القفص بيرقص ورجليه رايحه جايه
يرقص لي ويغنيلي
كأنه بيقوللي يا ليل يا عيني
بيفهم بالاشاره
وبأي عباره
ويجري شمال ويمين
بيفهم زي البني أدمين
الفرق انه هو مخلص امين
علشان كده عصفور جميل
ولابد هييجي يوم ويطير
مش هيعيش عمره اسير
هو ده حال الدنيا
تتبدل وتتغير في ثانيه
كلمات يلدز البربري
١١
تعليق واحد
٤ مشاركات
أعجبني
تعليق
مشاركة
مجلة نداء الرؤح لفرسان الكلمات 