( تتجوزيني ؟ ) :
تتجوزيني قوليلي ؟
جاوبيني رأيك إيه ؟
قالتلي انا قلبي دليلي
قلتلها لا بيه ولا تيه
غلبان على قد الحال
لا رصيد في بنوك ولا فيه
غير بس العيشة حلال
أنا عايش يومي بيومه
رزقي على رب الكون
وإن كان يوم صعب بصومه
دايماً ربنا في العون
وأنا ربي ساترها معايا
ما سألتش ابداً غيره
بركة ربنا ويايا
والبيت مليان من خيره
إن كنت انفع وياكى
جاوبينى قوليلي موافقة
وإن كان ده ما يمشي معاكي
مش حتزعلني اللأَّه
وف كل جميع الأحوال
مستني جواب لسؤال
العيشة معايا مشقة ؟
ولا انتي طويلة البال ؟
بقلمي الشاعر جمال زكي عينر
٥محمود القطوعى، وارق ملاك و٣ أشخاص آخرين
٨ تعليقات
أعجبني
تعليق
إرسال
مجلة نداء الرؤح لفرسان الكلمات 