( هَم يضَحَّك ) :
هَم يضَحَّك هَم يبكِّي
بس البُكى في الدنيا الغالب
حِنِّي عليا يا دنيا وفُكي
هَم يضَحَّك بيخليني
أنسى عذاب الضنا وسنيني
هَم يبكِّي الكُون حواليَّا
تنزل دمعتي نار من عيني
هَم يضَحَّك ومحيرني
علشان دايما بيخيرني
بين الصحبة وبين الوحدة
أنا محتاج حد ينَورني
هَم يبكِّي ويبكي عليا
خَلَّى الكُون إسود في عينيا
كل ما اقابل حد حزين
أبكي عليه ما البُكى بقى غيَّة
ليه الهَم محاوط قلبي ؟
ليه مصاحبني وساكن جنبي ؟
هو مفيش في الدنيا دي غيري ؟
ولا أنا ذنبي ف طيبة قلبي ؟
هو مفيش في الدنيا دي غيري ؟
ولا أنا ذنبي ف طيبة قلبي ؟
بقلمي الشاعر جمال زكي عينر
٤Esteer Hanna، وارق ملاك وشخصان آخران
٦ تعليقات
أعجبني
تعليق
إرسال
مجلة نداء الرؤح لفرسان الكلمات 