عمره ما كان في قلبه حنان
عشت معاه سنين هوان
بانت حقيقته بعد ماكان
بعد ما كان الواد الجان
الجنتله وعطور ولبان
عمره ماحس بالحرمان
كل البنات في هواه ولهان
وقع في حبي و قال هيمان
شبكة و زفة و ورود بستان
دايما كان عليا قلقان
كان في جمالي دايب دوبان
ليلة فرحنا و الفستان
كان طاير بيا طيران
و هدايا أشكال والوان
لو نظره غريبة يفضل سهران
بعد فرحنا طبعه بان
مامته بتصرف على الجان
على بيته والعربية كمان
فين شغلك و منين راح نصرف
عمل الراجل حاجه تشرف
شغلة ايه ماهي ماما بتصرف
قلت لابد حبيبي تتصرف
بانت حقيته و حاجه تخوف
ضرب و اهانة و عيشه تقرف
كل ما اقوله حاجه يتفلسف
رجع لأمه وبقى البيت أنضف
من راجل عمره مايتعفف
بعد امه لازم يتسلف
عمل الراجل حاجه تشرف
(((أسامه جديانه)))
مجلة نداء الرؤح لفرسان الكلمات 