( بس لو تكتمل الفكرة ) :
بس لو تكتمل الفكرة
كنت اعيش احلم لبكره
نفسي بعد ما اطوي ليلي
نفسي ألقى الخلق كُلُه
مبتسم عايش حياتُه
يلقى شمسُه ويلقى ضِلُه
فرحة بتبدد آهاتُه
آه لو القى دنيا تانية
دنيا فيها الناس محبة
دنيا فيها اليوم بثانية
خير بييجي حبة حبة
نفسي كل الناس تعدِّي
لِبعضهَا كل الخطايا
تِقصِر الشر وتِهَدِّي
وإن وِقِعت تكون غطايا
كت حتبقى الدنيا جَنَّة
كت حتبقى الناس في راحة
كان حيبقى الرمل حِنَّة
دنيا تتحول لواحة
نفسي مرة ييجي يوم
تنكسِر فيه الهُمُوم
تنتصر فيه المحبة
تبقى دايمة البسمة دوم
تبقى دايمة البسمة دوم
بقلمي الشاعر جمال زكي عينر
١ارق ملاك
تعليق واحد
أعجبني
تعليق
إرسال
مجلة نداء الرؤح لفرسان الكلمات 