حبة أمل بقلم أحمد شاهين
حبة هدوم راح يستروك وقت الشتا
مش شرط أبدا يبقوا موضه
ياما خلق عايشه ع الرصيف متكلفته
حبة ظروف بتخلى عين الناس تشوف
مش قلبهم
والعين بتنسى م المناظر بالألوف
وتصدهم
حبة ضمير هيخلوا دنيتنا بخير
هيحققولنا المستحيل
لو كل واحد فى الزمان دا إرتضى
عاش بالرضا
إن كان غنى ولا فقير
حبة مشاعر جوا قلب الناس
بذور
تربتها صالحه للزراعه من
دهور
والكل عايش نفسى بس
زيى أنا وانت وهى وهما
وف كل العصور
حبة أمل يمكن فى يوم
راح تندمل كل الجراح
ونعيش حياتنا جوا بند
المٌحتمل
ولا مره نبكى ع اللى راح
ولا
مره
نبكى
ع
اللى
راح
كلمات أحمد شاهين
١ارق ملاك
تعليقان
أعجبني
تعليق
إرسال
مجلة نداء الرؤح لفرسان الكلمات 