بتبكي عليه
احمد صبري
بتبكي عليه
بعد ما راح
بتتمنيه
بعد ما كان الأمان
معاكي
ضيعتيه
اما حكايتك حكاية
واللي انتي بتقتليه
موته بيكون بداية
للي انتي نفسك فيه
بتبكي انه راح يرتاح
ولا بتبكي على بعده
مش قولتي عليه فلاح
كسرتي كلمته ووعده
وعديتي عليه ياما
فضلتي تكسري قلبه
ودخلتيه في دوامة
ولا قدرتي يوم حبه
بتبكى عليه بجد
ولا دموع تماسيح
وبكره يجي حد
ياخدك على المراجيح
وتنسي شكله او اسمه
تنسي عنيه وإحساسه
تنسي الدفا بجسمه
وانفاسك في انفاسه
بتبكي انه مش راجع
ولا مش عارفة ليه
يمكن عندك مواجع
مالهاش علاقة بيه
اللي يحبك ويصونك
انتي اللي موتتيه
واللي يبيعك ويخونك
اهو دا اللي تستاهليه
٨٧
أعجبني
تعليق
مشاركة
مجلة نداء الرؤح لفرسان الكلمات 