رص الحروف :
رص الحروف معلَمة
من غير ما بنفكر
يادوب بييجي القلم
دي موهبة م الإلَّه
ربك وهبها لنا
لا بعزوة ولا بالجاه
دي م الإله مِنَّة
الحرف لو كان رمال
في إيدينا صار حِنَّة
نجيد فنون الارتجال
ونرص كالبنَّا
الحرف جنب الحرف
ينطق ويتغنَّى
مش بس نحو وصرف
ده كلامنا له معنى
رص الحروف ده فن
واحنا بنحترفه
الحرف لينا يحِن
وكلامنا ليه عُرفُه
رص الحروف هندسة
خِلِص الكلام بينَّا
مش جامعة ولا مدرسة
دي ارضنا وطينَّا
رص الحروف يا ناس
مش ورقة ولا كراس
صدق اللي قالوا زمان
العلم جُوَّه الراس
صدق اللي قالوا زمان
العلم جُوَّه الراس
بقلمي الشاعر جمال زكي عينر
أعجبني
تعليق
إرسال
مجلة نداء الرؤح لفرسان الكلمات 