جوا القلب بقلم أحمد شاهين
بيقولولى شكلك نِسيّت
قولت واللهِ ياريت
ذكرى جوا القلب عايشه
أنسى مين وأنسى ليه
دا إللى فات ما يِتنسيش
لسه فاكر دموع عينيه
لما قاللى ما تسِيبنيش
ذكرياتى مْش ناسيها
لسه عايش بس ليها
وينام واصحا عليها
مهما منها يا ناس أسيّت
ذكرى جوا القلب عايشه
مهما روحت ولا جيت
السنين ع الناس تِعدى
يكبروا وتبهّت ملامح
وهو نفس السِن عندى
بس دايما فيا سارح
لما اشوفه من بعيد
ببِتسم وأبان سعيد
وافتِكر الإيد ف إيد
وانى بعده إنتهيت
ذكرى جوا القلب عايشه
مهما روحت ولا جيت
بيقولولى
شكلك
نسيت
كلمات أحمد شاهين
١أحمد شاهين
مجلة نداء الرؤح لفرسان الكلمات 