( دموع الشوق ) :
دموع الشوق….
وليه تفكرني بدموعه ؟
ده انا مشتاق
وكان إمتى انا فاتني في يوم دمعي ؟
ده ليل ونهار ولفراقه انا بنعي
حبيب قلبي
وعمري ف يوم ما حانسى هواه
عليك ياللي سبب فرقتنا انا بدعي
دموع الشوق
دموع حيرانة ملتاعة
بصيص من ضوء
وأستنى تيجي الساعة
ألاقي حبيبي جاي عندي
وفى ميعاده مع وعدي
وتنزل دمعة من عيني
ماهو دمعي سبب سعدي
ده لَمَّا الدمع سال مني
زرف م العين وم النِنِّي
حبيبي حس بدموعي
وحقق ربنا ظني
رجعلي حبيبي وبلهفة
رجع رُبَّاني والدفة
رجعلي زماني وأماني
في أحضانه أنا بدفى
رجعلي زماني وأماني
في أحضانه أنا بدفى
بقلمي الشاعر جمال زكي عينر
١ارق ملاك
تعليق واحد
أعجبني
تعليق
إرسال
مجلة نداء الرؤح لفرسان الكلمات 