=================- الصيف بيفتح ضرف الشباك ########################################
الصيف بيفتح ضرفة الشباك
ناوى يغازل القمرة
والبنات بتشمروا البلوزات
وفى خدودها كام زهرة
وسمعت خلى بيردد ل حليم غنوة (
تعالى ..تعالى ..)
بس قولى من فين اول الخطوة
قلبى شاف حيرة فى كام نظرة
اتكسرت مجاديفه فى اول سكة
انا خدت ضل شجرتى فى ايدى
وحضنت هبو الربيع
وعشقت روح النسيم لما ابتسم وكان وديع
بااخاف من الانتظار الطويل
ومن الرجوع والرحيل
بااسمع صدى صوتها فى العويل
ودمعة الناى ورعشة النجيل
الصيف بيفتح ضرفة الشباك
يا هلترى فيه لقا
والا انكتب فى الدفاتر بعاد وشقا
ح اخطف اللهفة من اى لقا
واترمى فى حضن شجرة بضلها
واسمح لعصافير الكلام يغنوا غنوة بحزنها
قلبى اللى كان رافض يبيع نبضه فى سوق حسنها
وفى اى حته ينام
ولا يسمع حسها
يدق خيمته بين النجوم
ويفك تضفيرة حلمها
ازاى بقا ابقى اسير على ]درب الهوى
وازاى تبيعونى للغربة وتبلونى بالنوى
واعجز افك طلاسم بعدها
واشيل كفنى على يدى ويرفضنى ضيها
==================محمد عبد المقصود داود
مجلة نداء الرؤح لفرسان الكلمات 