خواطر ( اسرف الدغيدي )
حقوق الملكية محفوظه
(بدموعي وابتسامه هودعك)
نويت أتوب عن الحب وسهر الليالي وأودعك
تعبت من العذاب ومليت من الجفا والبعاد
وع الصبر تاني ما أوعدك
وفضلت سنين أستناك
والحب جوايا لسه صاحي مامات
بس هابعد عنك غصب عني من عذابي لكتر جفاك
مش عايز أكرهك وكفايه ماجرالي من سهر ودموع
وقلب حنين وطيب عاش موجوع
اتمنيتك أيوه اتمنيتك وحبيتك ايوه حبيتك
بس لازم أبعد وأتوب
بعد ماقتلني الإنتظار ودبحتني الغيره وعيشتني في نار
كنت فاكرك من غير حبيب وأنا المحبوب
طلعت من نصيب حد تاني وليا مش مكتوب
وكانت غلطه لما حبيتك بيني وبين نفسي وانت بيا مش داري
وفضلت سنين وانا عايش لوحدي في أوهامي
وكل ده منك وانت حبيبي يجرالي
كنت عايش في الخيال وليلاتي مع طيفك سهران
لما افتكرت نظراتك ليا حب وحنان
طلع الخيال عذاب وجرح والم
ماشوفت راحة بال واللي باقي عذاب وندم
ياما بعتلك مراسيل بنظرات عنيا
وانت ياقاسي ولا هنا ومايوم حسيت بيا
لاشوفت دموع الشوق ولا لهفة عنيا
وكنت اصبر واتحمل عشانك
والهنا اللي اتصورته ورسمته في غرامك
ويخساره كله طلع مرار دوقته وشربته
وانت ولا علي بالك
وقلبي اللي حبك بجنون دبحته وبالغيره مارحمته
ولما شوفتك ويا حبيب غيري بقسوه صدمته
والهنا اللي اتمنيته معاك طلع من نصيب غيري وانا لاحسيت بيه ولا دوقته
ومن النهارده الحب خلاص جوايا حبسته
وهتمنالك السعاده ويا الحبيب اللي إنت بقلبك إخترته
بدموعي وابتسامه هودعك واعيش غريب
واتمني اشوفك واطمن عليك من بعيد لبعيد
وغصب عني هاوعدك وافارق دنيتك واعيش وحيد
رغم حبي ليك مادمت قصادي وهتكون عايش سعيد
خواطر ( اسرف الدغيدي )
حقوق الملكية محفوظه
أعجبني
تعليق
إرسال
مجلة نداء الرؤح لفرسان الكلمات 