*********************************************
ما تقفلوش باب السطور*
*********************************************
ما تقفلوش باب السطور وتخنقوا الكلمة
تكسروا جناحاتها وتقسموا القسمه
افتحوا الضلوع ع البراح شموا بقى ا لنسمه
سيبوا الكلام ينظلق
الا المعانى فى الصدور تنشنق
ارسموا ملامح طيبه ع الوجوه
واعزفوا الحان وفا
تهز اوتار القلوب لوالزمن جفا
يا كل المبتالين بالفراق والبعاد
يا كل الموجعين بالقهر والعناد
فيه فى قلب الضلمة للنور ميعاد
خضروا احساسنا بالحياة
عيشوا للحلم اللى تاه
اضحكوا تلقوا فى عيون حبايبكم نجاه
ا لسنين بتمر تجرى
تسحب العمر بتحدى
وانتظارنا طال يا عمرى ……………………………………..
انت يشجيك عذابى
اوبتخنق كل ما يطل فجرى
ايه جرى لك حتى طيفك خاصم عينيا
انت طول عمرك ظلمنى
وكنت انا الضحية
جرحت احساسى اللى بيا
لما قلت انك هجرت ا
و عنى كتير بعدتى
وانت حلمى واللى حاسه لسه فيا
فى دنيا قاسية وسنين عفيه
قلبى عاش يحلم بدنيا
انتى فيها زهرة نديه
انتى فيها نهرين وميه
قلبى يسكن جوا قلبك ويرتوى شويه شويه
الثوانى معاك هنية
بطعم احلامى اللى جايه
تغزل الاشواق امانى
ينكسى قلبى فى ثوانى
ما تقفلوش باب السطور
وتخنقوا الكلمة
تكسروا جناحاتها وتقسموا القسمه
افتحوا الضلوع ع البراح شموا بقى ا لنسمه
===============55===محمد عبدالمقصود داود==
أعجبني
تعليق
إرسال
مجلة نداء الرؤح لفرسان الكلمات 