خواطر (اشرف الدغيدي)
حقوق النشر محفوظه
( روح الله يسامحك)
بدموعي كتبت جواب
وبعنيا بعت عتاب
ليه الجفا وليه العذاب
ليه بتهرب مني
من غير ياحبيبي أسباب
وليه لما أشوفك وتشوفني
بتعمل مش عارفني
وعنيك بتهرب مني
والنظره بتقول كلام
ياحبيبي صعب عليا
أشوفك قدام عنيا
من غير ماتسأل فيا
وعنيك ترد السلام
طاب إسأل عنيك وقوللي
نظرتها ليا تمللي
مليانه شوق وعذاب
ياحبيبي ليه تبعد عني
وواخد روحي معاك
طاب انت لسه فاكرني
ولسه ياحبيبي شاريني
ولا انت خلاص بايعني
ونسيت حنية قلبي
ولا انت فاكر ومخبي
الحب اللي كان زمان
يخسارة أملي فيك
وعمر اللي ضاع مني
وانا صابر ومستنيك
راح فين حبك ليا
اللي إستكترتوا عليا
ولاَّ راح لغيري هواك
طاب روح الله يسامحك
علي ظلمك وقسوة قلبك
يمكن فراقنا اقدار
ملناش فيه اختيار
خواطر (اشرف الدغيدي)
حقوق النشر محفوظه
كل التفاعلات:
٢Ashraf Eldghedy وMansour Benmansour
مجلة نداء الرؤح لفرسان الكلمات 