****************
بقلم
عادل جاد
كفاية ….. حال ….. فلسطين
****************
ياخيبة متخدش الخايب
دا أنتى متشعبطة بحبل دايب
بعد ما الشعر بقا شايب
جاية تعتب علينا الحبايب
القلب منهم م الهم شارب
بس طبع الحنية علينا غالب
والا خلاص القوالب نامت
الأنصاص أتعقت وقامت
الدنيا حطت بنا وشالت
الدنيا لمين بس دامت
التقى فيها مش لله حامد
محدش لغرورها صامد
البال والفكر ببكرة شارد
البشر فاكر أنه بالدنيا خالد
مهو أصله للمال والجاه عابد
للعمل لآخرته باعد
مهو أصله مع الشيطان متواعد
بقا هو للشيطان بيعين ويساعد
نروح شمال نروح يمين
أنا مش مفترى ع البنى آدمين
بجد بجد نسينا يوم الدين
الفحش والفجر ملو العين
المسلم لنفسه قبل دينه بيهين
المسجد من فراغه كل آنين
بندعى على بعض ونقول أمين
المسلم بين الأمم بقا هزيل
بقا لل ي ه ود والغرب ديل
ده واقع شايفينوه أودام العين
مش عارفين الشيطان واخدنا لفين
وجودنا بقا وحل وطين
كفاية حال فلسطين
********************
بقلم
عادل جاد
كل التفاعلات:
٥٥
مجلة نداء الرؤح لفرسان الكلمات 