بقلم
عادل جاد
**********
أزاى القلوب .. تروق
**********
القلب بالهم مريض
الهم طريقه عريض
آه تايه جواه وحيد
مفيش بحياتى جديد
دا الهم تملى وليد
يوم ورا يوم بيزيد
الهم تياره شديد
ماليش بالدنيا قريب
الحب كله تعذيب
قطر مالوش قضيب
بيدوس على حبيب
بنقول قدر ونصيب
القلب العمر كله كئيب
كفاية يا حب كفاية
عذابك هيفضل بداية
مفيش له أبدأ نهاية
حبى أتعس حكاية
أموت وعذابه جوايا
غيمت بعينى سمايا
ضيقيت بيا دنيايا
غاب بوجودنا الهنا
الكل همه بس الأنا
أروح م الهم فين
الطمع ملو العين
دا الواحد بقا أتنين
دا الدمع جرح الخد
خلاص دبل الورد
محدش بيدور على حد
معدش ينفع لوم وملامة
يعوض الله ع الأبتسامة
الهم واخدنا فى دوامة
نهايته كلها ندامة
البشر لبعضه محقوق
بسببه القلب محروق
ناسى أنه لغيره عليه حقوق
أزاى القلوب كدا تروق
والحق م الوجود مسروق
أمتى لبعضنا نبص ونفوق
*********
بقلم
عادل جاد
كل التفاعلات:
٤عادل جاد و٣ أشخاص آخرين
مجلة نداء الرؤح لفرسان الكلمات 