***************************************************
=====================- سابنى الشجر
***************************************************
سابنى الشجرللشمس
فى البلاد الحجر
وسابنى حبيبى وهجر
النهر جفت مياهه
والعيون السود خبت سرها فى جراحك
وانا كل يوم تخنق منى روح
تقفل فى صدرى بوابات براحك
انا قلبى فى صدر المدن متحنط
الليل يغلبه فى الذكريات
والخوف يقطع شراعى
وعلى بابى بيخبط
ألضم حلمى فى صبرى
القى الصبر متربط
يا مين يقول للقلب ع الدليل ويظبط
يا حب ياللى بروحنا نفديك
ونعلى قصورك ونعليك
عايشين فى ضيك
وعمرنا ما ح نلاقى حد زيك
اونت اللى ما فيه زيك
انتى الوطن اللى مات
وانا حيك
عايش على شطوط فَيك
متدفى بالونس مع ضيك
ما هو ممكن
كلنا نحلم بممكن
ونور يفرش شوارعنا يمكن
ويمد على شبابيك زنازينا يركن
نلقى البسمة على وش الالم
يضحك صباحنا
والامل يصبحنا يسكن
والليل اللى خانق جراحنا
يفك عن دارنا ومصا بحنا
ممكن
ندوس على اللى جرحنا
و نلم شمل افراحنا
ما احنا
جموع
لو نتلضم فى عزم يجمعنا
وننشر شراعنا
فى حضن موجة تسعنا
راح نلاقى فى البر صيحة
تملى مسامعنا
نمسك فى دفة حلمنا
ونلقى حلمنا معنا
والحياة لها معنى
======================محمد عبد المقصود داو د
كل التفاعلات:
٢ارق ملاك وMansour Benmansour
تعليقان
أعجبني
تعليق
إرسال
مجلة نداء الرؤح لفرسان الكلمات 