اشرف الشناوي
شاعر عاميه
البرامون
المنصوره
..الي امي النائمه
في قبرها ….
…… نفسي اجيلك……..
حبيته بصحيح
وان قلبك
كان ساندني
لما كان بيهزه ريح
كنت انام
واحلم في حجرك
واترمي زى الدبيح
كنت احس
بدق قلبك
يحضن القلب الجريح
كنت اشوف
في عينيكي دنيا
كل شئ فيها مليح
كنت احس بروحي طايره
زى عصفور الغيطان
كنت الف في الف دايره
بس برجع للمكان
القى صورتك زى مدنه
اما صوتك كان ادان
دا الصلا من غير أقامه
تبقى وزه م الشيطان
انتي اكبر حب قابله
قلبي يامه في الزمان
لسه عايش عاللي باقي
واللي فاضل م الحنان
صدقيني قلبي مل
من الفراق
كل يوم بيزيد ويكبر
جوا مني الاشتياق
كل حب قابلته يامه
غيرك انتي كان نفاق
نفسي اجيلك واشتكيلك
والا احسك تاني يامه
دنيا مليانه بزواء
نفسي المس يوم ملامحك
والا اشوفك
او تطفي النار في قلبي
قبل مايدوب احتراق
نفسي اسمع بس صوتك
قبل ماخسر في السباق
دا اللي فاضل يامه صورتك
جوا بروازها اللي ضاق
………………………
اشرف الشناوي
شاعر عاميه
البرامون
المنصوره
كل التفاعلات:
١Mansour Benmansour
مجلة نداء الرؤح لفرسان الكلمات 