بقلم: محمد دومو
-مراكش/ المغرب
( زجل مغربي )
الناس غير مݣدمة!
( زجل مغربي )
شحال ت الناس غير مݣدمة وصابرة
القلب حزين يتعذب وما مرتاح
بقى مع ليام مهمول ما أجبر غطاه
وشحال من واحد بغى فالدنيا غير لهنا
ما تركوه فحالو قهروه بكثرة النباح
قوم اليوم تبدلات وأصبحت غذارة
لا ثقة باقي تديرها فذاك الكذاب الفواح
ناس البارح عاشت ايامها بلعناية
كلشي واضح وكلشي هاني ومرتاح
الصديق لقريب تغير كلامو بالشفاية
كثروا نصايحو ما عاش ما شاف
عمرات وساطنا بناس الظلم الحݣارة
النفاق لكثير ويتبجحو بالدين باغين الفلاح
لا حيلة مع الله من دون النية الصادقة
غير راجع نفسك وافعالك واستراح
-بقلم: محمد دومو
-مراكش/ المغرب
أعجبني
تعليق
إرسال
مجلة نداء الرؤح لفرسان الكلمات 